විදෙස් රැකියා ජාවාරම් සිදුකළ වංචාකරුවන් දොළොස් දෙනෙකු අත්අඩංගුවට ගෙන තිබෙන බව ශ්‍රි ලංකා විදේශ සේවා නියුක්ති කාර්යාංශය පවසනවා.
ශ්‍රි ලංකා විදේශ සේවා නියුක්ති කාර්යාංශ නිවේදනයක් නිකුත් කරමින් සඳහන් කළේ ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් පසුගිය 22 වනදා දින සිට 26 වනදා දින 5 ක කාලය තුළ මෙම පිරිස අත්අඩංගුවට ගත් බවය.
මෙම පිරිස කටාර්, නවසීලන්තය, මැලේසියාව, රැමේනියාව හා කැනඩාව යන රටවල රැකියා ලබාදෙන බව පවසා මුදල් වංචා කර තිබෙන බව විදේශ සේවා නියුක්ති කාර්යාංශය නිවේදනයේ සඳහන්.
තව ද විදේශ සේවා නියුක්ති කාර්යාංශයේ වලංගු බලපත්‍රයක් නොමැතිව නවසීලන්තයේ රැකියා සඳහා සම්මුඛ පරීක්ෂණ පැවැත්වූ නීතිවිරෝධි ආයතනයක්ද කුරුණෑගල ප්‍රදේශයේදී වැටලීම් කර ඇති අතර එහි තිබී ජිව දත්ත පත්‍රිකා හා තවත් ලේඛන අඩංගු ලිපිගොනු 108ක්ද නිළධාරීන් භාරයට ගෙන තිබෙනවා.
ශ්‍රි ලංකා විදේශ සේවා නියුක්ති කාර්යාංශයේ වලංගු රැකියා බලපත්‍රයක් නොමැතිව විදේශ රැකියා සඳහා බඳවාගැනීම හා මුදල් වංචාකිරීම යන චෝදනාවලට අත්අඩංගුවට ගත් සැකකරුවන් අදාළ නීති කෘත්‍යන් සඳහා අධිකරණයන් හමුවට ඉදිරිපත් කිරීමෙන් අනතුරුව අධිකරණය මගින් දඩුවම් පමුණුවා තිබේ.
