ජනාධිපති අනුර කුමාර දිසානායක සහ මුදල් අමාත්යාංශයේ නිලධාරීන් අතර සාකච්ඡාවක් (07) දින ජනාධිපති කාර්යාලයේදී පැවැත්විණි.
මෝටර් රථ ආනයනය, රඳවා ගැනීමේ බදු සහ වැට් බදු එකතු කිරීම, ඩිජිටල්කරණය පිළිබඳ ගැටලු සම්බන්ධව මෙහිදී අවධානය යොමු කෙරිණි.
වාහන ආනයනය කිරීමේදී මුහුණ දීමට සිදුවන අභියෝග පිළිබඳව මෙහිදී විශේෂ අවධානය යොමු වූ අතර රට තුළ පවත්නා මූල්ය අර්බුදය සහ ආර්ථික ප්රමුඛතාවන් සැළකිල්ලට ගනිමින් මෙම ගැටලු විසඳා ගැනීමේ අවශ්යතාව ජනාධිපතිවරයා අවධාරණය කළේය.
ආදායම් බදු වලට යටත් නොවන විශ්රාමිකයින්ගෙන් අය කරන රඳවා ගැනීමේ බදු නැවත ඔවුන්ට ලබාදීමට පහසු ක්රියාවලියක් සැකසීමේ වැදගත්කම ද ජනාධිපතිවරයා පෙන්වා දුන්නේය.
කාර්යක්ෂමතාව සහ විනිවිදභාවය ඉහළ නැංවීම සදහා එකතු කළ අගය මත බදු (වැට්) එකතු කිරීමේ ක්රියාවලින් ඩිජිටල් කරණය කිරීමේ ඇති අවශ්යතාව පිළිබඳව කරුණු පෙන්වා දුන් ජනාධිපතිවරයා බදු අනුකූලතාවය සහ ආදායම් ඉපැයීම වැඩි දියුණු කිරීමට අපේක්ෂා කරන විස්තීර්ණ ඩිජිටල් පද්ධතියක් කඩිනමින් ක්රියාත්මක කිරීමට සැලසුම් සකස් කරන බවද ප්රකාශ කළේය.
ශ්රී ලංකාවේ ආර්ථික ප්රගතිය පිළිබඳව මෙහිදී සුබවාදීව අදහස් පළ කළ ජනාධිපතිවරයා රට යථා තත්ත්වයට පත් වෙමින් ස්ථාවරත්වය කරා ක්රමානුකූලව ගමන් කරමින් සිටින බව සඳහන් කළ අතර වත්මන් අභියෝග මධ්යයේ වුවද ජනතාව වෙත ලබාදෙන ප්රතිලාභ වැඩි කිරීමට රජය කැපවීමෙන් කටයුතු කරන බව අවධාරණය කළේය.
